မွှေးပဲစိမ်းမှုန့်ဖြင့် တို့ဟူးဟင်းချက်နည်း

တို့ဟူးဟင်းချက်ရန်အတွက်

• ၁။ ပထမဦးစွာ ကြက်သားကို ပြုတ်ပြီး နွှာထားပါ။
• ၂။ ဒယ်အိုးထဲသို့ ဆီအနည်းငယ်ထည့်ပါ။ ထောင်းထားသော ကြက်သွန်ဖြူ အနည်းငယ် ထည့်၍ ဆီသတ်ပါ။ ပြီးလျှင် နွှင်ထားသော ကြက်သား၊ ရေစိမ်ပြီးညှပ်ထားသော မှိုခြောက် ထည့်ပါ။ ပဲငံပြာရည် အနည်းငယ် ၊ ခရုဆီ အနည်းငယ် ၊ ဟင်းခတ်မှုန့် အနည်းငယ် ၊ သကြားအနည်းငယ်ထည့်၍ ဆီသတ်ပေးပါ။ ရလျှင်ခပ်ထားပါ။
• ၃။ မွှေးပဲစိမ်းမှုန့် ၁၅၀ ဂရမ် တစ်ထုပ်ကို ရေ ၁ လီတာ ၄ပုံ ၃ပုံ၏ တစ်ဝက်ထည့်ပါ။ ဆားအနည်းငယ်၊ နနွင်းအနည်းငယ် ထည့်၍ မွှေပေးပါ။
• ၄။ တို့ဟူးကျိုမည့် ဒယ်အိုးထဲသို့ လက်ကျန်ရေထည့်ပါ။ ရေပူလာလျှင် ဖျော်ထားသော ပဲစိမ်းမှုန့်ရည်ကို ထည့်ပါ။ အဆက်မပြတ်မွှေပေးပါ။
• ၅။ ညောင်ဈေးကျလာလျှင် ဆီသတ်ထားသော ကြက်သားနှင့် မှိုခြောက်ထည့်ပြီး မွှေပေးပါ။ ထို့နောက် ပဲငံပြပာရည် အကြည်ရည် စားပွဲတင်ဇွန်း ၁ ဇွန်း ထည့်ပါ။ ခရုဆီအနည်းငယ်ထည့်ပါ။ ရလျှင် ပုံစံခွက်ထဲ ထည့်၍ အအေးခံပေးပါ။
• ၆။ အေးလျှင် အတုံးတုံးပြီး အရာပေးပါ။
• ၇။ တို့ဟူးဟင်းချက်ရန် ထောင်းထားသော ထောင်းထားသော ကြက်သွန်ဖြူ ၊ ကြက်သွန်နီ ၊ ငြုပ်သီးအစိမ်းမှုန့်တို့ကို ဆီသတ်ပါ။ ဆီသတ်နေစဉ် ဟင်းခတ်မှုန့်၊ သကြားအနည်းငယ်နှင့် ဆားလက်ဖက်ရည်ဇွန်း ၁ ဇွန်းခွဲ ထည့်ပါ။ ပါးပါးလှီးထားသော ခရမ်းချဉ်သီး ၄ လုံးထည့်ပါ။ ခရမ်းချဉ်သီး နွမ်းလာလျှင် ရေအနည်းငယ်ထည့်ပါ။
• ၈။ ရေခမ်းလျှင် စိပ်ထားသော တို့ဟူးတုံးထည့်ပါ။ ငြုပ်သီးစိမ်းတောင့်ထည့်ပါ။

ဆီပြန်လာလျင် အရသာထူးကဲကောင်းမွန်သော တို့ဟူးဟင်း ရပါပြီ။